السلام عليكم
يله بعد ما نجحت تجربة القصة..
هسه راح نبلش بكتابة سيناريو تركي
و راح نمطمط بالسالفة شكد ما نكدر ههههههههههههه
و شكو مشكلة بالعالم راح تصير...
و ماكو بس تنحل مشكله نبلش بالثانية
راح اعرفكم بأبطال المسلسل:
رامي: هو شاب وسيييييييييم طبعا (مو كرايب عراقي وسيم) ههههههههههههههه
و كولش دلوع و حبيب المامي.. يستنكف من سياقة سيارة تكون اقل من بووورش
نيفين خانم: تكون ام رامي... هيه كولش اوووي اوووي و ستايل و برسيتيج و من الطبقه المخملية
و عده شامه جبيرة على حنجه ههههههههههه
دانية: اخت رامي.. هيه فنانه.. فنانه شنو؟؟ ما ندري بالضبط
حسام: الأب... هاظ مطفي المهم عنده يربي البشات الي موجوده بحديقتهم
-------
رانية و باسم و علاء و شيرين : هذولة ولد عم مدري ولد خال... هاي انتو رتبوهم
--------------
بعد انتو نزلو شخصيات بالمسلسل
راح ابلش بالقصة:
نزل رامي من الدرج و هو مهندس روحه و مشط شعره و حاط صبغ قنادر على شعرة
و هو يطلع من البيت متجه للشركه (طبعا همه هم كووولش زناكين ..
الضاهر هي الحياة هجي بتركيا)
صاحتله امه و كلتله: رامي رامي!! كبل ما تروح! تدري شنو صار بنت عمك؟؟؟؟؟؟؟
...............
و الي بعدي يكمل
بي. اس. ما اوصيكم!! لا تنسون المشاكل الي ماله نهاية